Your browser version is outdated. We recommend that you update your browser to the latest version.

Oromia the home of Gadaa System

Ambassador Suleyman Daddafoo: Bara 1992 akkaataa EPRDF ABO dhiibee biyya baase. የቡዳ መድኃኒት በጀርመን ፍራንክፈርት:: OMN: Gaafii fi deebii Obbo Galaasaa Dilboo HD-ABO VOA: Hidhaa fi Dararaa waggaa kudhiif maatii irrra ga'e.

በጀግኖች መሰዋዕትነት የተገኘው የኦሮሞ ነፃነት ዛሬ በመንገደኞች እና የፖላቲካ ደላላዎች እየተቀማ ነው።

Posted 12/20/2018
Birhanemeskel Abebe Segni

Wikipedia: Baro Tumsa was a pharmacist, lawyer and Oromo nationalist and political activist in Ethiopia. He was the younger brother of the famed Reverend Gudina Tumsa and was one of the Founding Congress of the Oromo Liberation Front. Wikipedia: Baro Tumsa was a pharmacist, lawyer and Oromo nationalist and political activist in Ethiopia. He was the younger brother of the famed Reverend Gudina Tumsa and was one of the Founding Congress of the Oromo Liberation Front. ጀግንነት ሃብት ነው። ንብረት ነው። ስም ነው። ታርክ ነው። ቅርፅ ነው። የአገር እና የማንነት መሠረት ነው። የመኖር ትርጉም ነው።

የኦሮሞ ህዝብ እልፍ አዕላፍ ጀግኖች ነበሩት፣ አሉትም። የነዚህ ጀግኖች ወራሾች እኛ ጀግኖች ልጆቻቸው ነን። የአባቶቻችንን ታርክ እና ስም ማስከበርም የእኛ የልጆቻቸው ግዴታ እና ኃላፊነት ነው።

እኛ ግን በነዝላልነት የጀግኖች አባቶቻችንን ታርክ እና ስም ወይ እያሰደብን ወይም እያስቀማን ነው። በዚህ ነዝላልነታችን አባቶቻችንን በመቃብር ውስጥ እያሰደብን ነው። በህይወት ያለውን ኩሩውን የኦሮሞን ህዝብ በቁም እያዋረድን ነው።

በጀግኖቹ በእና ጄኔራል ታደሰ ብሩ፣ ማሞ መዘምር፣ ኤሌሞ ቅልጡ፣ ክንፈ ሚካኤል እኔሳ፣ ደረጀ ገረሱ፣ ኃይሌ ፊዳ፣ በቀለ ነዲ፣ ዳንኤል አበበ አረጋይ፣ ሃጂ አደም ሳዶ፣ ዋቆ ጉቱ እና ሌሎች በርካታ ጀግኖች መሰዋዕትነት የተገኘው የኦሮሞ ነፃነት ዛሬ በመንገደኞች እና የፖላቲካ ደላላዎች እየተቀማ ነው።

የጀግኖች አባቶቻችን ስም እና እነርሱ የሞቱለት የኦሮሞ የማንነት ክብር በፖላቲካ ነጋዴዎች ተዋርዶ፣ ለህወሃት እና አጫፋሪዎቻቸው መቆመሪያ ሆኗል። እነ መገርሳ በሪ የሞቱለት የኦሮሞ የነፃነት አርማ የፖላቲካ ደላላዎች የንግድ ምልክት ሆኗል። ይህ ወንጀል ነው።

አባቶቻችንን የጀመሩትን ትግል በጀግንነት መርተው እና ተወድቀው የኦሮሞን ህዝብ ለድል ያበቁት ጠቅላይ ሚንስትር አብይ እና ፕረዚደንት ለማም በሆደ ሰፊነት ቡክርናቸውን ልቀሟቸው እየተራወጡ ያሉትን ተላላኪዎች እና ደላላዎች በትዕግስት መመልከታ መጨረሻ ልኖረው ይገባል።

የጀግኖች አባቶቻችን አጥንት ለሌቦች እና ለፖላቲካ ደላላዎች ወደ ስልጣን መወጣጫ መሰላል አይሆንም። ሲያምራቸው ይኖራል እንጂ ሌቦች የወንድሞቻችንን ደም እየቀዘፉ ጨፌ አራራ አይመጡም። አባቶቻችን የሞቱለት የኦሮሞ ነፃነት አርማ የፖላቲካ ደላላዎች እና የህወሃት ተላላኪዎች የንግድ ምልክት አይሆንም።

እኛ ልጆቻቸው እያለን የጀኔራል ተደሰ ብሩን ፎቶ እየሰቀሉ በስሙ የሚሸቅሉ የፖላቲካ ወያላዎች በቃቸሁ መባል አለባቸው። ልጆቹን በባዕድ አገር መንገድ ላይ የጣሉት ሌቦች በጀግናው በነገሰ ወጊ ስም እና ምስል መነገድ የወንጀልም ወንጀል ነው። ዛሬም ልጆቹ እና ሚስቱ በህይወት አሉ እኮ? የወንድሜን የደረጀ ገሩሱን አስክሬን ጅብ ያስበሉ እና የት እንደወደቀ የማያውቁ ከሃዲዎች በስሙ መነገድ አይችሉም። መላው የኦሮሞ ህዝብ ታርኩን እና ጀግኖቹን ማወቅ አለበት። የልጆቹ ክብር እና ስም ሲረክስ በዝምታ ማየት የለበትም።

እንደ ኦሮሞ ትግል ዋንጫ ተቀባይ አርበኞች እና መሪዎች ፕሬዚደንት ለማ እና ጠቅላይ ሚንስትር አብይም ታሪካችን ሲበክት፣ ስማችን ሲጎድፍ፣ የነፃነት አርማችን የጫት መጠቅለያ ሲሆን፣ ማንነታችን በፖላቲካ ቸርቻሪዎች መንገድ ዳር በቆመች የጉልት ገበያ ሲሸጥ በዝምታ መመልከት የለባቸውም። በአግባቡ ምሩን፣ እንመራለን። ካልሆነ እኛም መላው የኦሮሞ ህዝብ ክብሩን፣ ታርኩን እና ነፃነቱን እንዲያስከብር ህዝብ ወደ ማደራጀት እንገባለን እንጂ ቡክርናችንን ለሌቦች አንሸጥም። ጠላትም፣ ወዳጁም ይህን ሃቅ ማወቅ አለበት!